UTAMADUNI WA JAMII ZETU

 

TOKA ENZI ZA JADI JAMII MBALIMBALI ZIMETAMBULIKA SANA KUTOKANA NA UTAMADUNI WAO NA AMBAO BADO UNAHESHIMIWA.

JAMII AMBAZO NITAKUFAFANULIA UTAMADUNI WAO KIUFUPI NI JAMII YA TIRIKI NA ILE YA BUKUSU.

KABILA HIZI MBILI NDUGU NA ZINA MAMA YAO AMBAYE NI ABULUHYA. UKISIKIA ABALUHYA FAHAMU KWAMBA IMEJUMUISHA KABILA NYINGI ILA ZINATOFAUTIANA KUTOKANA NA NDIMI ,UTAMADUNI NA MAJINA .

JAMII YA TIRIKI AMBAYO NI KATI YA ZILE NITAZUNGUMZIA NI JAMII AMBAYO MAKAO YAKE NI KAUNTI YA VIHIGA ILA FAHAMU KWAMBA JAMII HII NA ILE YA NANDI WANAFAHAMIANA KWA VILEMBA. BAADHI YA TAMADUNI ZA JAMII HII MOJA NI ILE YA UPASHAJI TOHARA HUJA BAADA YA MIAKA MITANO ,WANAOPASHWA TOHARA HUWA WAMEFIKIA UMRI WA KUPASHWA TOHARA NA NI LAZIMA WATIMIZE KWA SABABU NAO MIAKA HAIMSUBIRI YEYOTE. FAHAMU KWAMBA WENGI WANAOPASHWA TOHARA HUWA KATI YA UMRI WA MIAKA TISA HADI KUMI NA MIWILI. TOHARA SIKU ZOTE HUFANYIKIA MSITUNI NA HUDHURIWA TU NA JINSIA YA KIUME. JINSIA YA KIKE HAIPASWI KUWA NJE WAKATI WAPASHWA TOHARA WANAPELEKWA KWENYE VYUMBA VYAO VYA KULALA KWANI AKIPATIKANA NI MKOSI MKUBWA NI ILI KUZUIA HILO NG’OMBE ANAPASWA KUTOLEWA ILI KUONDOA MKOSI HUO. WAPASHWA TOHARA HUMALIZA ZAIDI YA MWEZI MMOJA BILA KURUDI NYUMBANI,KWANI MUDA HUO NI WA KUPATA MAFUNZO ZAIDI KAMA ;HUPASWI KUINGIA KWENYE CHUMBA CHA KULALA CHA WAZAZI WAKO IKIWA UMEPASHWA TOHARA,HUPASWI KULA CHOCHOTE KILICHOANGUKA CHINI.

KATIKA JAMII HII WANAOPASHWA TOHARA WAKO KWENYE MAKUNDI MAWILI ,KUNDI LA KWANZA NI LILE LA “BAMASERO” NA LILE LA “BASOMI”

TUKIJA KWENYE JAMII YA BUKUSU WAO HUFAAMIKA SANA KUTOKANA NA SANAA ZAO ZA MUZIKI WAKATI WA TOHARA ALMAARUFU “TSINYIMBA”. JAMII HUFANYA SHUGHULI YA UPASHAJI TOHARA BAADA YA MIAKA MIWILI. WAPASHWAJI TOHARA HUPITIA MITIHANI MINGI KABLA HAWAJAKAMILISHA SHUGHULI NZIMA. WAKISHAPASHWA TOHARA HUJENGEWA CHUMBA CHAO ALMAARUFU “ESIMBA” KUASHIRIA HAWAWEZI KULALA NA WAZAZI KWENYE NYUMBA MOJA.

FAHAMU HAYO KWA LEO.

NIKIKAMILISHA NAFAHAMU KWAMBA KILA MMOJA ANAIFAHAMU KABILA AU JAMII YAKE VYEMA NA LITAKUWA JAMBO LA BUSARA IKIWA SIKU MOJA WEWE UNAYESOMA UTAKUWA NA FURSA YA KUMSIMULIA MWANAO KUHUSIANA NA YALE YANAHUSIANA NA JAMII YAKO KIUJUMLA.